Tereza kaj dek moneroj
La popolo diras, ke penso estas forto. Ĝi pravas. Iusence, ĝi ripetas tion, kion instruis Jesuo en la Evangelio laŭ Marko, 9:23 kaj 11:24: “Ĉio estas ebla por kredanto. Kion ajn vi petos, preĝante, kredu, ke vi tion jam ricevis, kaj vi ĝin havos”.
Memkompreneble, la Dia Instruisto ne aludis al absurdaj petoj, kiujn kelkaj homoj faras kaj poste ili plendas pri nerespondo... Kion ili volas?... Nia Aganta Fido estu ĉiam uzata favore al Bono, kiel en la konstrua ekzemplo de Sankta Tereza, kun ŝiaj famaj dek moneroj.
Malba Tahan
Malba Tahan, kaŝnomo de la fama brazila verkisto kaj matematikisto Júlio César de Mello e Souza (1895-1974), rakontas en sia libro Fabeloj el la Ĉielo kaj el la Tero, ion, pri kio mi petas vin permeson transkribi ĉi tie laŭmemore, ĉar ĝi estas tre ilustra:
“Sankta Tereza preparis sin por vojaĝo. Unu el la monaĥinoj, kiuj loĝis kun ŝi demandis, kion ŝi faros.
“— Mi fondos novan agadon je la servo de Bonfarado — la Sanktulino respondis.
“— Kaj ĉu vi havas rimedojn por tio, ĉu vi kunportas iom da mono?
“— Dek monerojn.
“— Ba, dek monerojn! — la monaĥino ekkriis mire. Tio estas tro malmulte! Kion vi povos fari per dek moneroj, Tereza?
“— Jes — respondis la Sanktulino —, vi pravas, efektive. Tereza kaj dek moneroj estas tro malmulte. Tamen, Dio, Tereza kaj dek moneroj estas ĉio”.
Resume, ĉi tiu estas rakonto de la karmemora profesoro Júlio César de Mello e Souza.
La mondo bezonas bonajn ekzemplojn de laboro, de realigoj, kiuj fine bonfaru al ĝia tuta loĝantaro, sed urĝe bezonas preĝi. Tio kaŭzas nenian malbonon, kaj lasas neniun alienita, kiel oni ankoraŭ diras, facilanime. Tio estas kompleta nescio pri esence gravaj aferoj, kiujn oni devas klarigi. Dum la homo almenaŭ parte ne scias, kion li venis fari sur ĉi tiu mondo, li plu stumblados sur la vivovojoj, en ĉi tiu vivo kaj en aliaj dimensioj.
Alziro Zarur
Alziro Zarur (1914-1979), karmemora fondinto de Legio de Bona Volo (LBV), forte rekomendadis: “La elvokado de la nomo de Dio, kun la koro plena de sincereco, allogas la protekton de Superaj Spiritoj”. (...)
La komentoj ne reprezentas la opinion de ĉi tiu retejo; ili estas sub ekskluziva respondeco de ties aŭtoroj. Ne estas permesata la enmeto de netaŭga materialo, kiu malrespektas la etikon kaj bonmorojn kaj/aŭ la rajtojn de aliuloj. Konu plie ĉe Oftaj demandoj.
Romania
Czech Republic
Brazil