Pedagogio de Amo kaj Pedagogio de Ekumena Civitano

Omaĝe al valoraj edukistoj, mi alportas kelkajn pensojn, kiujn mi prezentis al la instruistaro de instrucentroj de Legio de Bona Volo (LBV) kaj kiuj estis ankaŭ parte diskonigitaj per la ĵurnalo Correio Braziliense, el la ĉefurbo de Brazilo, en Februaro 2000, kaj per mesaĝo de LBV, nome Tutmondigo de la Frata Amo, speciale direktita al la partoprenantoj de la Altnivela Kunsido 2007, de Ekosok (UN), en Ĝenevo, Svisujo:

Lernejo estas nemalhavebla, sed ĝi ne anstataŭas hejmon. La Ŝtato kaj la socio devas kune prizorgi solvojn por ke familioj kreskigu kaj digne eduku siajn idojn, laŭ tio, kion mi publikigis per la ĵurnalo Folha de S.Paulo, en Brazilo, je la 27-a de Julio 1986.

Vivian R. Ferreira

Transdonante la Edukan Instituton de LBV al la komunumo, mi resumis per malmultaj vortoj ĝian laborprincipon: Ĉi tie oni studas. Formiĝas cerbo kaj koro. Tio estas la Pedagogio de Dio, kiu estas Amo, kiu kapabligas la individuon por travivi ekumenan civitanecon, surbaze de plena praktikado de spirita, homa kaj socia solidareco. Sekve, en Pedagogio de Ekumena Civitano kaj en Pedagogio de Amo, de Korsento, de Kareso, la Spirito okupas gravan lokon en nia laboro. Tamen, en la preparado de junuloj kaj plenkreskuloj por sintenado en ĉi tiu materia mondo de neniam antaŭe vidita teknologio — kaj paradokse, nuntempe, tre malstabila por tiuj, kiuj batalas por propra estonteco —, ni devas nepre konsideri, ke edukatoj devas esti efike kapabligataj por la postuloplena streĉa labormerkato. Kaj krome: tiel, ke ili ne sekvu vojon, laŭ kiu la profesio, por kiu ilin sin preparis, ne plu ekzistos, kiam ili finos la kurson. Estas nepre necese do, ke ili ricevu efikan instruadon, por ke ili estu aŭdacaj, entreprenemaj, tiel ke ili povu transsalti estontajn faktojn, kiuj, iam ajn, defios la socion kaj timigos homamasojn. (...) Sekve, neniel taŭgos — ni argumentu — aŭdacaj planoj, se ne troviĝos homoj ĝuste preparitaj por elvolvi ilin. Pro tio, zorgu pri la Spirito, reformu la homon, kaj ĉio transformiĝos!

Multoblaj inteligentoj

Vivian R. Ferreira

La pedagogino Sueli Periotto, respondeculo pri la Pedagogio de LBV, doktoro kaj magistro pri Edukado en Katolika Pontifika Universitato de San-Paŭlo (PUC-SP), informis al mi, ke dum intervjuo por la programo Diskuti Edukadon, de Supera Reto Bona Volo de Radio, la prestiĝa profesoro, verkisto kaj preleganto Celso Antunes, kiam oni demandis lin pri niaj edukaj agadoj, elstarigis: “Bona Volo aldoniĝis al miaj amikaj rilatoj, de longa tempo. (...) Mi estas plene konscia pri la laboro plenumata de tiu Fondaĵo. Mi jam vizitis vin plurfoje. Mi havis la okazon legi la tutan verkaron de Paiva Netto, kiu alvenis en miajn manojn, kaj sekve, mi pensas — ĉu oni atribuas aŭ ne al tiu celo la nomon de multoblaj inteligentoj —, ke ĝi plene integriĝas en tiu koncepto, ĉar efektive neniam ŝajnis al mi, ke estas via intenco la senlima evoluo de lernanto, ke li fariĝu ‘eta geniulo’, sed ja la tuteca formiĝo de la personeco. Kaj ĉar mi plene konsentas pri tiaj edukaj vojoj, mi substrekas, ke mi ne parolas al Legio de Bona Volo kiel homo, kiu donas intervjuon, sed kiel persono, kiu fakte sentas sin kongrua kun ties filozofio kaj laborvojo”.

Vivian R. Ferreira

Dankon, Prof-ro Celso. Viaj vortoj taŭgas kiel granda stimulo, por ke ni pli kaj pli vastigu ĉi tiun edukan vojon, kiu kunigas al bona instruado la travivadon de plej noblaj sentoj, kiujn la homo povas esprimi en komunumoj.