Dio, sekura fundamento por la Vivo
En la verko Jesuo, Doloro kaj la deveno de Lia Aŭtoritateco — La Potenco de la Kristo en ni (2014), mi substrekis, ke Dio estas la plej Bonega Fundamento, sur kiu Jesuo, la Majstro el majstroj, kun Sia Aŭtoritateco, konsilas al ni, en la Nova Testamento (Luko, 6:47 kaj 48), konstrui nian fortikan loĝejon:
“47 Pri ĉiu, kiu venas al mi, kaj aŭdas miajn parolojn, kaj plenumas ilin, Mi montros al vi, al kiu li similas:
“48 li similas al viro, kiu, konstruante domon, fosis kaj profunde kavigis, kaj metis fundamenton sur la roko; kaj kiam okazis inundo, la rivero sin ĵetis kontraŭ tiun domon, kaj ne povis ĝin ŝanceli; ĉar ĝi estis bone konstruita”.
Nur tiel ni povas elteni la cunamojn; la inundojn; la vulkanojn; la tertremojn spiritajn, moralajn kaj fizikajn; fine, ĉion, pro la Vera Potenco de la Sublima Reganto de la Tero.
La plej granda kapitalo de la homo estas lia Realiganta Fido kaj lia nevenkebla spirito, antaŭ la suferoj, kiuj ankoraŭ turmentas naciojn. Al tiu, kiu emas ankri sian vivon ĉe tia sublima, sekura ankrejo, mi asertas kun granda elokvento, ke troviĝas Homo ĉe la rudro: Jesuo!
Tial, ni aŭdacu konstrui la Domon de Dio en la Animoj kaj la Plejalta Kreanto faros nin firmaj pilieroj por pli feliĉa estonteco:
“12 La venkanton Mi faros kolono en la Templo de mia Dio, kaj li ne plu eliros el ĝi; kaj Mi skribos sur li la nomon de mia Dio, kaj la nomon de la urbo de mia Dio, la Nova Jerusalem, kiu venas malsupren de mia Dio el la Ĉielo, kaj mian Novan Nomon.
“13 Kiu havas orelon, tiu aŭskultu, kion la Spirito diras al la Eklezioj de la Sinjoro” (Letero de Jesuo al la Eklezio de Filadelfia, laŭ Apokalipso, 3:12 kaj 13).
La komentoj ne reprezentas la opinion de ĉi tiu retejo; ili estas sub ekskluziva respondeco de ties aŭtoroj. Ne estas permesata la enmeto de netaŭga materialo, kiu malrespektas la etikon kaj bonmorojn kaj/aŭ la rajtojn de aliuloj. Konu plie ĉe Oftaj demandoj.