Solidarecon al la popolo en Filipinoj
En feliĉo aŭ en doloro, la homo neniam staras sola. Ĉu li scias, ĉu li ne scias, ĉu li kredas, ĉu li ne kredas, li havas Dion favore al si. En dezerto aŭ en fruktoĝardenoj, sur montaro aŭ en valoj, en urbo aŭ en kamparo, se li respektoplene rigardas Supren, tiam li vidas amasegon da steloj, kiuj portas en si miliardojn da miliardoj da vivoj.
Kun la sama Aganta Fido, kiu igis min skribi tiujn vortojn, poste publikigitajn en mia libro "Kiel venki suferon" (1990), mi emas transdoni fratan solidarecon al la popolo en insularo Filipinoj, en Azio. Niaj Hom-Gefratoj terure suferas la konsekvencojn de la trairado de uraganego Haiyan, dum la lasta vendredo, la 8-an de novembro. Ĝiaj ventegoj atingis pli ol 300 kilometrojn hore, la ŝtormo, konsiderata kiel unu el la plej grandaj jam observitaj sur firma grundo, neniigis kelkajn regionojn en tiu lando. Ankoraŭ ne eblas precizigi la kvanton da viktimoj. Aŭtoritatuloj kalkulas, ke estas miloj da mortintoj kaj malaperintoj.
KARITATO, ILO POR REKONSTRUADO
Fakuloj pri la homa konduto konsentas, ke en tiaj situacioj, kiam doloro nin frapas tiel kruele, superado postulas kuraĝan sintenon. Same necesas flankenlasi sentojn de angoro kaj indignado.
Por tiuj, kiuj kredas pri supera potenco, en Eterneco, tia elprovaĵo estas pli rapide akceptata kaj komprenata. Tamen, eĉ skeptikuloj povas trovi konstruan energion, kiu donas novan sencon al iliaj vivoj. Oni havas ekzemple karitaton, helpadon al la proksimuloj, kiel tipan ilon por rekonstruado (...).
En la koroj de tiuj, kiuj restis, la subita foresto de tiuj, kiuj revenis la Grandan Patrujon de Vero, mildiĝas per la certeco, ke la Kreanto proponas renovigitan vivkondiĉon al siaj karaj estuloj, ĉar la mortintoj ne mortas. Kaj kie ajn ili staras, tie ili bezonas tiun komprenon flanke de tiuj, kiuj restas sur la Tero. Ni konsideru, ke eblas aganta vivo en aliaj dimensioj. La Spirita Mondo ne estas ia abstraktaĵo.
Ni ĉiuj, homoj kaj spiritoj, estas ĉiam alvokataj al kompreno pri plej profundaj realaĵoj, por elteni kaj superi ĉiutagajn defiojn.
La komentoj ne reprezentas la opinion de ĉi tiu retejo; ili estas sub ekskluziva respondeco de ties aŭtoroj. Ne estas permesata la enmeto de netaŭga materialo, kiu malrespektas la etikon kaj bonmorojn kaj/aŭ la rajtojn de aliuloj. Konu plie ĉe Oftaj demandoj.