Preĝo, laboro kaj Paco
Mia plej juna filo, kiu nun estas adoleskanto, ekde sia malgranda aĝo, kiam li eldiris kun niaj gefamilianoj kaj geamikoj nelongan preĝon ĉe la tablo, antaŭ la manĝoj, nin ĉiujn kortuŝas per simpla mantro, kiu povus resumi grandajn traktaĵojn pri saĝo, kiu kundividas Solidarecon sen ia ajn limo. La junulo ekkrias: “Dio, mi petas Vin, ke ne manku nutraĵoj sur la telero de ĉiu homo, ankaŭ sur la nia!”
Dum la defioplenaj momentoj, kiujn trapasas nia mondo, mi konsideras tre valore elvoki la Ĉielajn Potencojn per simila petego: Ne manku decan manieron pergajni sian propran vivon al ĉiu batalema virino, al ĉiu sindediĉa laboristo, al ĉiuj niaj familianoj! Amen!
Ni kune petegu tion, sed en aganta espero, ke tiu “tiel estu” trovu, en la planoj de la mondaj registaroj, ĝustajn paŝojn, kiuj respondas al la urĝaj bezonoj de la loĝantaroj.
Homoj bone dungitaj kaj dece valorigataj en siaj klopodoj estas garantio pri Paco kaj daŭripova progreso por ĉiuj. Jesuo, la Ĉiela Administranto de spiritaj kaj homaj estuloj, estis pragmata, kiam Li asertis en Sia Evangelio laŭ Luko, 10:7: “la laboranto meritas sian salajron”.
La komentoj ne reprezentas la opinion de ĉi tiu retejo; ili estas sub ekskluziva respondeco de ties aŭtoroj. Ne estas permesata la enmeto de netaŭga materialo, kiu malrespektas la etikon kaj bonmorojn kaj/aŭ la rajtojn de aliuloj. Konu plie ĉe Oftaj demandoj.
Croatia
Germany