Ne akcepteblas malbonagoj kontraŭ Dio

Fonto: Medito de Bona Volo prenita el la libro “Jesuo, la Doloro kaj la deveno de Lia Aŭtoritateco — La Povo de la Kristo en ni”, de Novembro 2014. | Aktualigita en Majo 2018.

Iuj personoj, fronte al ajna malfeliĉo, diras: “Dio ne ekzistas, ĉar io malbona okazis al mi!”

Sed kion diri pri la Bono, kiu okazas al aliaj homoj en ĉiu minuto kaj kiu okazis al vi? Aŭ kiu okazos al vi? Plendemuloj forgesas, foje egoisme, ke se ili suferas en tiu momento — kaj ili jam havis plurajn feliĉajn okazojn — tamen multaj aliaj homoj, precize ĉi-momente, ĝojegas. Eĉ tiel, laŭ tio, kion mi asertis en mia verko Saĝeco de la Vivo (2001), Dio estas la Dia Kompato, prilumanta necedemajn pesimistojn.

NASA, ESA, R. O'Connell, F. Paresce, E. Young, WFC3 Comitê

Cetere, ni ne emas, per ĉi tiu rezonado, ignori la angorojn de homoj, kiuj eble ploradas tutan vivon pro suferoj. Ni ja laboras por malpliigi la turmenton de tiuj karaj estuloj spiritaj kaj homaj, prezentante al ili la altan ekzemplon de la Kristo, kiu estas la Filo tre Amata de la Ĉiela Patro kaj suferis martiriĝon pro mondo ankoraŭ nun sovaĝa, kaj en ĝin estigis pli la Lumo, Povo kaj Aŭtoritateco, ne por Si mem, sed por Siaj fratoj kaj fratinoj, mi insistas.

Tamen, giganta paŝo por persona memrealigo estas liberigi nin de tiu granda egoismo, kiu ne permesas, ke ni rekonu en aliula kontentiĝo fortan impulson por subtenado de nia Animo.

En la verko Kiel Venki Suferon (1990), mi konsilis: Kiu volas malpliigi sian doloron, tiu helpu suferantojn.

Tela: James Tissot (1836-1902)

    

Kaj en mia artikolo “Mildigi la tempeston”, publikigita en la jaro 2013, en pluraj ĵurnaloj kaj retejoj, mi skribis: "Fronte al plej variaj situacioj, kiam doloro kaj sufero alvenas, ofte sen antaŭa averto, nepre necesas solidara ago de homoj por helpi, spirite kaj materie, la proksimulon. Kaj krom tiu tuja apogo, necesas nutri la forton de espero kaj de Aganta Fido, kiuj faras, ke la homo sin tenu sub la protektado de la Ĉiela Patro kaj stimulas lin kuspi la manikojn kaj konkretigi siajn plej justajn petegojn".

Vivian R. Ferreira
Arquivo BV

Emily Dickinson

Rilate al tio, jen estas belaj vortoj de la usona poetino Emily Dickinson (1830-1886):

“Se mi povos eviti rompiĝon de unu koro,

“Mi ne estos vane vivinta;

“Se mi povos eviti agonion de unu vivo,

“Aŭ mildigi unu doloron,

“Aŭ helpi, ke unu svenanta merlo

“Revenu sian neston,

“Tiam mi ne estos vane vivinta”.

Do, ĉi tiu estas la momento, ke ni — decidoplene — ĉesu meti sur Dion la kulpon pri niaj malbonaj kondutoj, inter ili la damaĝado al nia kolektiva loĝejo, dum ni senkonsekvence diskutadas pri tio, “kiom da anĝeloj povas esti en pinglokapo”.

José de Paiva Netto, verkisto, ĵurnalisto, radiokronikisto, komponisto kaj poeto, naskiĝis je la 2-a de Marto 1941, en Rio-de-Ĵanejro/RJ, Brazilo. Li estas direktoro-prezidanto de Legio de Bona Volo (LBV). Efektiva membro de Brazila Asocio de Amaskomunikiloj (ABI) kaj de Brazila Asocio de Internaciaj Amaskomunikiloj (ABI-Inter), li estas ano de Nacia Federacio de Ĵurnalistoj (Fenaj), de International Federation of Journalists (IFJ), de la Sindikato de Profesiaj Ĵurnalistoj en Ŝtato Rio-de-Ĵanejro, de la Sindikato de Verkistoj en Rio-de-Ĵanejro, de la Sindikato de Radiokomunikantoj en Rio-de-Ĵanejro kaj de la Brazila Unuiĝo de Komponistoj (UBC). Li partoprenas ankaŭ en la Akademio de Beletro de Centra Brazilo. Li estas aŭtoro por internacia referenco pri defendado de homaj rajtoj kaj konceptado de la idealo de Ekumenaj Civitaneco kaj Spiriteco, kiuj laŭ li estas “lulilo de plej grandanimaj valoroj, kiuj naskiĝas en la Animo, nome en la loĝejo de emocioj kaj de rezonkapablo prilumita de intuicio, medio, kiu enhavas ĉion, kio transcendas la vulgaran kampon de materio kaj devenas de la homa sublimita sentemo, kiel ekzemple Vero, Justeco, Kompatemo, Etiko, Honesteco, Grandanimeco kaj Frata Amo”. Resume, ĝi estas la matematika konstant-nombro, kiu harmoniigas la ekvacion de vivo spirita, morala, mensa kaj homa. Nu, sen tia scio, ke ni ekzistas en du sferoj, sekve ne nur en la fizika, fariĝas malfacile atingi Socion vere Solidaran, Altruisman, Ekumenan, ĉar ni plu neglektos, ke la scio pri Supera Spiriteco plialtigas la karakteron de la homoj, kaj konsekvence tiu scio kondukas la homojn al la konstruado de Tutplaneda Civitaneco”.