La Ekumenismo, kiun ni predikas
Jesuo, la Doloro, kaj la deveno de Lia Aŭtoritateco — La Potenco de la Kristo en ni
Je la 21-a de Majo, oni festas la Internacia Tago de la Kultura Diverseco por la Dialogo kaj la Homa Evoluo. Estas oportune, ke mi prezentu al vi, karaj legantaj Fratinoj kaj Fratoj, fragmenton el mia verko Jesuo, la Doloro, kaj la deveno de Lia Aŭtoritateco — La Potenco de la Kristo en ni, en kiu mi direktiĝis al la Legiana Junularo kaj jene parolis:
La Ekumenismo, kiun ni predikas, estas tiu de koroj frataj, lumaj, dezirantaj labori “por ia pli bona mondo kaj por ia pli feliĉa homaro”.
Mi jam klarigis, ke en miaj verkoj mi uzas la vorton “Ekumenismo” (ĝi devenas de la greka oikoumenikós) en etimologia senco: “la tuta Tero loĝata” kaj “en amplekseco aŭ aplikebleco monda; universala”. Sekve, via misio, ho Ekumenaj Militantoj de Bona Volo, estas diskonigi la Politikon de Dio en ĉiujn angulojn. Ĝi estas por la homo, sed antaŭ ĉio por lia Eterna Spirito. Se frate renoviĝos la individuo, ekde lia Animo, tiam la Homaro transformiĝos. Estas tasko de novaj generacioj alporti antaŭen la Sciencon de Dio; surtronigi la Ekonomion de Dio; montri la veran pacigan funkcion de Sporto; prezenti Arton kun ĝia eksterordinara tasko antaŭiri gravajn ŝanĝojn; prilumi konsciencojn per Kulturo, kiu ne estas nur tiu, kiu naskiĝas en la menso, sed plifortigita per sentoj favorataj de la Grandanimeco de Dio.
San-Paŭlo, SP, Brazilo – Familianoj kaj geamikoj omaĝas tiujn, kiuj forpasis al la Spirita Patrolando, preĝante por la Eternaj Spiritoj, kiujn ili amas, skribante iliajn nomojn en la Sanktan Libron de Preĝoj de la Religio de Dio, de la Frata Amo.
Vi, Junuloj ĉiuaĝaj, sur la Tero kaj en la Ĉielo de la Tero, estas komplete kapablaj okazigi la grandan reformon, kiun, konscie aŭ nekonscie, oni atendas ekde la komenciĝo de la mondo. Estas necese havi Sensekigitan Jesuon kiel celon, kaj profunde kompreni Lian plej internan deziron: la miraklon, laŭ kiu ni ellernu ĉi tion: “vi amu unu alian, kiel Mi vin amis. Nur per tio ĉiuj homoj scios, ke vi estas miaj disĉiploj” (Evangelio laŭ Johano, 13:34 kaj 35). Servi Jesuon ne estas ia ofero. Ĝi estas privilegio!
La komentoj ne reprezentas la opinion de ĉi tiu retejo; ili estas sub ekskluziva respondeco de ties aŭtoroj. Ne estas permesata la enmeto de netaŭga materialo, kiu malrespektas la etikon kaj bonmorojn kaj/aŭ la rajtojn de aliuloj. Konu plie ĉe Oftaj demandoj.