La Spirita Mondo ne estas ia abstraktaĵo

Fonto: “Jornal de Brasília”, eldono de la 9-a de Decembro 2014 | Aktualigita en Julio 2017.

Kiam mi parolas pri Ekstermateria Vivo, mi aludas al vivo ekzistanta post tiu fenomeno nomata morto. Al mi plaĉas insisti, ke la Spirita Mondo ne estas io abstrakta, nedifinita. Ĝi efektive ekzistas, plena de vibrado kaj laboro. Ni ankoraŭ ne vidas ĝin, pro limoj de frekvenco, kaj tio estas baro transpasota per scienca agado kaj superota per evoluado de korpaj sentumoj, kiuj malfermiĝos al novaj ĉieloj kaj novaj mondoj. Jesuo, la Ekumena Kristo, la Dia Ŝtatestro, diris: “(...) Mia Patro ĝis nun laboras, kaj Mi laboras. (...) Ne maltrankviliĝu via koro; vi kredas al Dio, kredu ankaŭ al mi. Ĉe la Domo de mia Patro estas multe da loĝejoj; se ne tiel estus, Mi dirus al vi; Mi iras, por pretigi por vi lokon. Kaj se Mi iros kaj pretigos por vi lokon, Mi revenos kaj ricevos vin al mi mem, por ke vi ankaŭ estu tie, kie Mi estas” (Evangelio laŭ Johano, 5:17 kaj 14:1 ĝis 3).

shutterstock

Tiel klare stariĝas, laŭ la vortoj de la Dia Pedagogiisto, la ekzisto kaj la aktiva, batalema agado de la Spirita Mondo super la materia, per la Gardanĝeloj, ekzemple. Sekve, estas necese, ke ni ĉiuj konsciu pri tia interŝanĝado kaj sciu interagi kun tiu ankoraŭ nevidebla realaĵo.

Reprodução BV

Rui Barbosa

Rui Barbosa (1849-1923), rimarkinda brazila juristo, ĵurnalisto, verkisto, ambasadoro, diplomato (alnomita “Aglo de Hago”), parlamentano, ministro pri Financoj, ŝtatestro, kaptis ĉi tiun plejaltan vivcelon: “La morto ne estingas, ĝi transformas; ĝi ne neniigas, ĝi renovigas; ĝi ne disigas, ĝi alproksimigas”.

Profeto Mohamedo (560-632) — “Paco kaj benoj de Dio estu sur li!” — skribis en la Sankta Korano: “Ĉiu homo havas protektantojn. Ili gardas lin laŭ sinsekvaj deĵoroj, laŭ ordono de Dio”.

Arquivo LBV

Johano Paŭlo la II-a

Ĉi-rilate mi memoras la paroladon de la papo Johano Paŭlo la II-a (1920-2005), je la 2-a de Novembro 1983, kiam li sin turnis al fideluloj kuniĝintaj en Vatikano. En ĝi, Lia Sankta Moŝto emfazas, ke dialogo kun la mortintoj oni devas ne interrompi: “Ni estas invititaj repreni kun mortintoj, en la interno de nia koro, tiun dialogon, kiun la morto ne devas interrompi. (…) Surbaze de la klariga parolo de la Kristo la Savinto, ni estas certaj pri la senmorteco de la animo. Fakte, la vivo ne finiĝas je la horizonto de ĉi tiu mondo (…)”. Nia estas la teksta emfazo.

Pro tio ni devas mediti pri tiu punkto. Estas kompreneble, ke ni sentas la mankon de tiuj, kiuj forpasis. Tamen, ni devas ne troigi larmojn, ĉar nia akceptebla doloro povas perturbi, en la Spirita Mondo, ilian adaptiĝon al nova situacio.

Kaj mi plu citas, el tiu sama dokumento: (...) Doktorino pri la Hebrea Lingvo, Literaturo kaj Juda Kulturo en Universitato de San-Paŭlo (USP), Brazilo, profesorino Jane Bichmacher de Glasman klarigas, ke “laŭ la juda penso, vivo kaj morto formas unu tuton, kaj estas malsamaj aspektoj de unu sama realo, reciproke komplementaj.”

Ni do vidas, ke sen la Spirita Mondo, la homa vojo ne havus sencon.

José de Paiva Netto, verkisto, ĵurnalisto, radiokronikisto, komponisto kaj poeto, naskiĝis je la 2-a de Marto 1941, en Rio-de-Ĵanejro/RJ, Brazilo. Li estas direktoro-prezidanto de Legio de Bona Volo (LBV). Efektiva membro de Brazila Asocio de Amaskomunikiloj (ABI) kaj de Brazila Asocio de Internaciaj Amaskomunikiloj (ABI-Inter), li estas ano de Nacia Federacio de Ĵurnalistoj (Fenaj), de International Federation of Journalists (IFJ), de la Sindikato de Profesiaj Ĵurnalistoj en Ŝtato Rio-de-Ĵanejro, de la Sindikato de Verkistoj en Rio-de-Ĵanejro, de la Sindikato de Radiokomunikantoj en Rio-de-Ĵanejro kaj de la Brazila Unuiĝo de Komponistoj (UBC). Li partoprenas ankaŭ en la Akademio de Beletro de Centra Brazilo. Li estas aŭtoro por internacia referenco pri defendado de homaj rajtoj kaj konceptado de la idealo de Ekumenaj Civitaneco kaj Spiriteco, kiuj laŭ li estas “lulilo de plej grandanimaj valoroj, kiuj naskiĝas en la Animo, nome en la loĝejo de emocioj kaj de rezonkapablo prilumita de intuicio, medio, kiu enhavas ĉion, kio transcendas la vulgaran kampon de materio kaj devenas de la homa sublimita sentemo, kiel ekzemple Vero, Justeco, Kompatemo, Etiko, Honesteco, Grandanimeco kaj Frata Amo”. Resume, ĝi estas la matematika konstant-nombro, kiu harmoniigas la ekvacion de vivo spirita, morala, mensa kaj homa. Nu, sen tia scio, ke ni ekzistas en du sferoj, sekve ne nur en la fizika, fariĝas malfacile atingi Socion vere Solidaran, Altruisman, Ekumenan, ĉar ni plu neglektos, ke la scio pri Supera Spiriteco plialtigas la karakteron de la homoj, kaj konsekvence tiu scio kondukas la homojn al la konstruado de Tutplaneda Civitaneco”.