Bona volontula agado
Kiam troviĝas Frata Amo, senduba klopodado kaj establita kompetenteco, kiun oni elvolvas per laborado kaj zorgado — de la enmeto de simpla najlo en lignaĵon (kredu pri via propra valoro!) —, tiam ne troviĝas limoj por la fundamento de iu pli bona mondo.
Medeiros e Albuquerque
Medeiros e Albuquerque (1867-1934), ĵurnalisto, instruisto, politikisto kaj aktivulo por abolo de sklaveco, naskiĝinta en la brazila ŝtato Pernambuco, ĝuste rekonis: “Kio montras la superecon de homoj super aliaj animaloj estas tio, ke ili komprenis la manieron, kiel en la vivbatalado unu el la plej efikaj armiloj estas bonkoreco, nome reciproka asistado, alivorte karitato”.
Volontule praktiki Bonfaradon estas unu el la plej belaj paĝoj de Amo, kiujn la homo, tio estas la Civitano de la Spirito, povas verki. Profeto Mohamedo — “La Paco kaj Benoj de Dio estu sur li!” — instruis: “Ĉiu bona ago estas karitato. Bona ago estas tia, ke ĝi aperigas rideton sur la mieno de alia homo”.
La fondinto de Islamo honoras la memoron pri Jesuo — kaj de Lia Sanktega Patrino, Maria —, en la Sankta Korano, kaj Lin igis referenco, kiel unu el la grandaj Profetoj de Islamo. En prelego sub la titolo “Jesuo kaj la idealo de la Korano”, la prezidanto de la Grupo de Esploroj Islamana-Kristanaj, D-ro Hmida Ennaifer (Ph.D. Universitato Zitouna/Tunizio kaj Sorbonne/Francujo), kongruas kun nia aserto, kiam li komentarias, ke “el la 6.236 versikloj, kiuj konsistigas la Koranon, la Kristo estis menciita 33 fojojn, jen per Lia nomo en la araba lingvo, jen per Lia nomo kun aldono, do per Lia kvalifiko kiel Mesio. (...) Efektive, kiam oni pli atente pristudas tion, kion la Korano diras pri Jesuo, tiam oni perceptas, ke neniu alia homfiguro alprenis tiel eksterordinaran taumaturgian potencon kiel Li. (...) Li estas la profeto, la servanto de Dio kaj la infano purigita de ĉia malpuro, sed estas ankaŭ la signo, la ekzemplo, la Vorto, la Spirito veninta el Dio, la scio pri la Nuno, tiu, kiun subtenas la Sankta Spirito, la rekta vojo”.
La komentoj ne reprezentas la opinion de ĉi tiu retejo; ili estas sub ekskluziva respondeco de ties aŭtoroj. Ne estas permesata la enmeto de netaŭga materialo, kiu malrespektas la etikon kaj bonmorojn kaj/aŭ la rajtojn de aliuloj. Konu plie ĉe Oftaj demandoj.
Croatia