Respekti la Vivon
Morto estas bela, kiam oni respektas Vivon. Kaj tiu aserto rekonas, ke ne ekzistas kialo, kiu pravigas la bedaŭrindan agon estingi la vivon, antaŭ la tempolimo antaŭvidita en niaj Spiritaj Agendoj. Tial, al tiuj, kiuj erare vidas en memmortigo mildigon al siaj doloroj, mi kaptas la okazon por klarigi: memmortiginto sin mortigis serĉe de paco; tamen, li trovas plej grandan turmenton, nome ion tute malsaman ol la supozita Nenio, kiu cetere ne ekzistas. Spirita-homa irado ne ĉesas, kaj en ĝi oni rikoltas tion, kion oni plantis. Jesuo admonis en Sia Apokalipso, 2:23: “(...) Mi estas Tiu, kiu esploras internaĵojn kaj korojn; kaj Mi donos al ĉiu el vi laŭ viaj faroj”.
![](https://multimidia.boavontade.com/sites/default/files/styles/grande/public/16_5_1200x630.jpg?itok=nxlsDkp8)
![](https://multimidia.boavontade.com/sites/default/files/styles/pequeno/public/az-.jpg?itok=1_sbr1Pi)
Alziro Zarur
Mi insistas, ke la granda sekreto de la Vivo estas, ke amante la Vivon, oni sciu sin prepari por la morto, aŭ por la Eterna Vivo, en ĝusta tempo, kiun Dio determinas. La karmemora Frato Alziro Zarur (1914-1979) saĝe atentigis: “Memmortigo solvas nenies angorojn”.
Tiu maksimo resumas gravegan veron, kiu jam evitigis, danke al Dio, sennombrajn tragediojn, sur la Tero kaj en la Spirita Dimensio, kaŭzatajn de la trompa krimo atenci kontraŭ si mem. Sekve, kiam sufero frapos sur vian pordon, tiu neniam estos solvo. En plej doloraj momentoj, ni alvoku Jesuon, kiu neniam staras malproksime de ni, ĉar Li promesis: “Mi ne lasos vin orfaj; Mi venas al vi” (Evangelio laŭ Johano, 14:18).
Kiam venos en vin penso pri malvigliĝo, aŭ se vi sentos vin forlasita, tiun saman momenton vi estos ricevanta plej fortan subtenon de la Ĉielo, sufiĉas ke vi eniru tiun luman, vibran tavolon de la Kristo.
![](https://multimidia.boavontade.com/sites/default/files/styles/pequeno/public/ebook_vencer-o-sofrim_esper_800_1.jpg?itok=aL8PqXMg)
Kiel Venki Suferon (1990) — Elstaraĵo en la 17-a Dujara Internacia Libro-foiro en San-Paŭlo, en 2002 jaro. Elŝutu ĉi tie.
Medito, kiun mi enmetis en la verkon Kiel Venki Suferon (1990):
Ni honoru la eksterordinaran donitaĵon, kiun Dio liveris al ni, nome la Vivon, kaj Li ĉiam venos helpi nin per plej neimageblaj kaj efikaj manieroj. Esence grave estas, ke ni sciu humile kompreni Liajn sciigojn kaj ke ni apliku ilin per la Bona Volo kaj efikeco, kiun Li esperas de ni. Konstanta harmonio kun la Dia Potenco nur povas kapabligi nian Spiriton, por ke ni havu kondiĉojn por postvivi doloron, eĉ se okaze de plena eksplodo de homaj senekvilibroj.
La komentoj ne reprezentas la opinion de ĉi tiu retejo; ili estas sub ekskluziva respondeco de ties aŭtoroj. Ne estas permesata la enmeto de netaŭga materialo, kiu malrespektas la etikon kaj bonmorojn kaj/aŭ la rajtojn de aliuloj. Konu plie ĉe Oftaj demandoj.
Croatia