Klarigi la antaŭsciadon
Daryl J. Bem
La kapablo antaŭvidi la estontecon estas malnova temo, kaj ĝis nun incitas la homan penson. Feliĉe, la scienca komunumo plifortigas la diskuton pri evidentaĵoj kaj okazoj, kiuj aperas. Tiu estas la temo, pri kiu okupiĝas la respektata, eminenta profesoro pri psikologio en Cornell University (Usono) Daryl J. Bem. Lia esploro publikigita en Journal of Personality and Social Psychology ― prestiĝa revuo de American Psychological Association ―, rezulto de studo elvolvita de li en la daŭro de ok jaroj, estigas samtempe laŭdojn kaj kritikojn, flanke de liaj kolegoj kaj de la ĝenerala socio.
Oscar Wilde
Tio igas min rememori penson de Oscar Wilde (1854-1900): “Kiam kritikistoj malakordiĝas, tiam la artisto akordiĝas kun si mem”.
Detale elmontrante la uzatan metodon, nur ŝanĝante la ordon de la procezoj, li plenumis naŭ eksperimentojn per ĉirkaŭ mil partoprenantoj. Tio permesas reprodukton de la eksperimento kaj konfirmon fare de aliaj esploristoj, kaj en certaj okazoj uzi kiel bazon tradiciajn studaĵojn en tiu kampo. Li kolektis signifoplenajn rezultojn rilate la klopodon klarigi la tiel nomatajn fenomenojn “psi”, kiuj konsistigas, laŭ la difino de la aŭtoro, “eksternormajn fenomenojn pri informado aŭ transdonado de energio nuntempe neklarigitajn, koncerne al konataj biologiaj kaj fizikaj fenomenoj”.
La pristuditaj okazaĵoj apartenas al ekster-sentuma percepto ― klarvido, telepatio kaj psikomovado ― kun emfazo pri antaŭscio kaj antaŭpercepto.
Dum sia analizado, D-ro Bem, kiu diplomiĝis ankaŭ pri Fiziko, interalie, uzas teoriajn konceptojn pri kvantuma meĥaniko por klarigi tiajn fenomenojn. Fronte al tiom da perspektivoj, ankoraŭ estas multo komprenota en tiu senfina universo, kiu incitas nin senvualigi ĝiajn misterojn. Pro tio, estas nepre necese, ke ni vestu nin per humilemo antaŭ la grandega scio, kiu defias nian inteligentecon. La studaĵo de D-ro Bem, unu el la plej elstaraj esploristoj pri socia psikologio, invitas nin esplori tiun temon sen antaŭjuĝoj. Kvankam ĝi estas realaĵo, tia temo estas ignorata flanke de iuj pensuloj, kiel studobjekto, ĉar ĝi staras for de la nunaj teorioj, kiuj estas bonintencaj sed limigitaj, kaj malsaĝe akceptataj kiel senŝanĝaj veraĵoj.
La granda demando
Mi ekmemoris tion, kion mi diris, okaze de la I-a Internacia Forumo pri Neidentigitaj Flugantaj Objektoj, kies sidejo estis la Monda Parlamento de la Ekumena Frateco, la ParlaMundi de LBV, en Brasília-DF, Bazilo, de la 7-a ĝis la 14-a de decembro 1997: De longa tempo la mondo diskutadas la ekziston de la tiel nomataj Neidentigitaj Flugantaj Objektoj.
Koncerne tion, la demando ne temas pri kredo aŭ nekredo, sed pri la scio, ĉu tiaj fenomenoj estas veraj, aŭ ne. Pruvo pri tia vereco estas nature tasko de la Scienco.
La sama argumento validas por la faktoj, kiujn oni konsideras supernaturaj, ĉar ili ne kongruas kun la konvencia logiko, kiu ne estas absoluta kaj tial devas esti konstante reviziata. Mi diras kaj rediras: dogmeco en Scienco estas sensencaĵo.
Kreskado en tempo de suferoj
El mia verko Meditadoj el la Animo, mi elprenas ĉi tiun pecon:
D-ro Bezerra de Menezes
Porĉiamaj transformiĝoj ofte okazas je la momentoj de granda historia malkvietiĝo. Obstinuloj kreskas, okaze de batalo. Se ili faras tion kun la penso firma ĉe Paco, tiam la rezulto de iliaj klopodoj markas ilian iradon sur la Tero per signo de Lumo. La fama brazila kuracisto D-ro Adolfo Bezerra de Menezes Cavalcanti (1831-1900) instruis, ke “se oni aspiras transdoni Pacon, se oni emas altigi la koron de homo, oni ne rajtas malhavi, en la vivo, ian profundan kaj radikalan ŝanĝon serĉe de plifortigo de Fido kaj de kompreno pri ĝi”.
La komentoj ne reprezentas la opinion de ĉi tiu retejo; ili estas sub ekskluziva respondeco de ties aŭtoroj. Ne estas permesata la enmeto de netaŭga materialo, kiu malrespektas la etikon kaj bonmorojn kaj/aŭ la rajtojn de aliuloj. Konu plie ĉe Oftaj demandoj.
Czech Republic
Hungary