Venki la malsamecojn

La 25-a de junio memorigas la akcepton, fare de UN (Organizo de Unuiĝintaj Nacioj), de la Deklaro kaj Agadprogramo el Vieno (1993). Tie skribiĝis, inter 100 punktoj, ke “la Monda Konferenco pri Homaj Rajtoj konsideras edukadon, trejnadon kaj publikan informadon en la kampo de homaj rajtoj esencaj elementoj por stimuli kaj starigi  stabilajn, harmoniajn rilatojn inter komunumoj, kaj faciligi reciprokan interkompreniĝon, toleremon kaj pacon.”

shutterstock

Ni scias, ke ankoraŭ mankas multon fari por vidi la celojn de tiu memorinda dokumento tute atingitaj. Tial mi klopodas ĉiam proponi ankaŭ nian modestan kunlaboron.

Arquivo BV

Cetere, koncerne la ĝeneralan komprenon de popoloj kaj nacioj, kiel mi skribis en mia verko Meditadoj kaj Pensoj – Dialektiko de Bona Volo (1987), kaj antaŭ tio en Ĵurnalo de LBV (januaron 1984): (...) kiam ni parolas pri unuiĝo de ĉiuj por la bono de ĉiuj, iuj homoj eble ektimas, pensante pri kapitulaco je siaj vidpunktoj, por enuiga plataĵo de senpersoneca alianco, nome por homa bedaŭrinda aŭtomatismo. Tute ne temas pri tio. En Demokratio, ĉiuj devas (multe pli ol rajtas) — honeste (jen nepra kondiĉo) kaj en spirito de toleremo — esprimi siajn idealojn, sian pensmanieron. Tamen, neniu rajtas malami, sub la preteksto pensi malsame, nek vivi timigite pro tiu sama kialo. Gandhi (1869-1948) diris, ke “malsameco de opinioj ne pravigas agresemon” . Kaj ĉar li tion kredis, certe la Mahatmo fariĝis la ĉefa figuro je la sendependiĝo de sia popolo.

shutterstock

Krome, apartenas al la saĝa hindo ĉi tiu rimarkinda aserto, koncerne la bezonon stimuli Kulturon de Paco en la koroj, por venki malestimon inter malsamuloj: “Viaj pensoj estu pozitivaj, ĉar ili fariĝos vortoj. Viaj vortoj estu pozitivaj, ĉar ili fariĝos agoj. Viaj agoj estu pozitivaj, ĉar ili fariĝos valoroj. Viaj valoroj estu pozitivaj, ĉar ili determinos vian destinon”.

Eĉ se malsamaj

Destino pensigas pri la ardo de infanoj, pri kiuj ni pensas, kiam ni klopodas alporti al ili kulturon de Paco, per baza edukado kun amo. Kaj mi prezentas al vi la rezulton de tiu klopodo, kiam ĝi estas zorge farita, per la vortoj de la tiama Soldateto de Dio (karesema maniero per kiu ni aludas al infanoj, en LBV), kiu kreskis sub la flugiloj de Pedagogio de Amo, pionira standardo de nia legiana laboro. Letícia Tonin estis 7-jaraĝa, kiam ŝi diris: “Amo estas pli granda ol ĉio ajn, eĉ se la homoj estas malsamecaj.”